Mek kalut

9 hari bersama mekcuna di mansuro,

beraso assedeh jugokla bilo ambe nok

kelik tanta doh, mugonya xtau nok wat

gapo dohla di tanta tu, mekcuna pulok

nok gi mendaki gunung sinai doh ari 

sabtu, 2feb. makanya ambe keno kelik 

tanta dohla, pada hari jumaat, 1feb.

Kelik tiado berteman, keno kelik sore 

lah ambe, tapi mekcuna gi antar la dulu

di stesen sebelum ambe berangkat pulang.

jak dari rumah lagi dio duk kalut.

"sedehnyo malina nok kelik doh"

Pah kalut dale teksi time ondaway gi stesen

pulok.

"xpo ko malina kelik sore ni? bimbe"

Pah di stesen tu, ado la kenderaan hok menunggu

dua penumpang jah lagi, kalu cukup gak dio akan

bergerak ke tanta selaluhhh. ambe kelih ado sore

puwe dale kenderaan tuh fuhh lega, kalu xdok puwe

meme ambe takuk nok naik.

Pah ambe pun naik la, mekcuna duk buat muka runsing

dan kalut serta muka panic dio tu. ambe buat muka rilek

sedo serupo beldo sirap jah..hilir key tuh kikiki

Arab pulok pakat duk gegey suruh mekcuna masuk dale

kenderaan tu, pok dio silap pehe ingatko mekcuna nok

masuk retek, sebenarnyo tidok pung. maso to kak cuna

duk talipon saem dio, bertanyo "tidok bahayo ko malina

kelik sore ni?" saem dio oyak "bahayooo"

Makanya arab duk gegey lagi dan lagi.

"khusy khusy!!, takallim telefon fi guwwah" 

masuk masukla..kecek talipon dale keto 

Mekcuna duk kecek lamo pulok doh dengan saem dio tu.

sep arab pakat wat muko frust haha..aku pulok blur xtau

gapo..di atas desakan arab2 dan juga kata2 saem dio dale

talipon tu, tibo2...dio pun masuk duk cokoh sedo dale keto,

tutup rapak jik pintu keto..gedegung!

Aku blur bley2 suko..hahaha memey naka muko kak cuna maso

tu. blur dooh..napok serupo keno santau pun ado, nyo turut jah

bila arab duk pakso suruh naik jugok. kitorey duk suko derah dale

keto, sakik perut aku, pengalame paling lucu setakat ni.

Mekcuna dengan sehelai sepunggung nyo gi berderak ke tanta,

tak jadi la nok pisoh nyo..tapi keno kelik pagi sabtu jugok sebab

trip nok gi gunung sinai tu akan bertolak pukul 10male.

Duk dale keto tu dio duk kalut lagi..

"Malinaa...ganola aku buleh ado dale keto ni jugok ngan

mu malina wehhh"

Aku selok koor duk suko alek blake. 

akhirnya menonton drama samo2 di tantaku

sorgakuuu..:D