Mok sayo bekeng

Tengok gambar ni tetiba jjadi teringat ko

ma ambe. ma ambe seorang yang tegas plus

bekeng lah pung kih2 bekeng pung sebab anok

sulung dio ni jenis degil keras palo. dulu la duluuu...

Keh3x

Dari dulu sapa loni, seorang abe tiri ado di rumah

ambe, namo dio Iwe. dulu duk bersekoloh rendoh

sekali, bila masuk maahad, ambe masuk maahad 

puang dan dio pulok masuk maahad jatang.. 

Bila cukup umur time berusia 13tahun iaitu form1,

makanya ambe pung kena start menutup aurat la

dalam rumah sebab abe tiri ado. oh maso tu ujiang

dio hebak gitumo. mujola ado mok ambe hok bekeng

tu. dio la hok nasihat ambe slow2. imejin lah nok gi

dapur pung kena pakai gitu, nok g jambey pung, nok gi 

study dan tengok tv pung. bukey seney nok pakai

tudung sokmo, kadey2 tercabut jugok. tapi takuk ko

mok ambe weyy, ketar palo lutut kalu ustajah norminah

jerkoh.

Lepas lama2 tu beraso beyso doh, kalu si abe tiri terkelih

ambe tak pakai tudung secara tidok sengaja  di dapur pung

ambe akey jjadi nok maroh... "bakpo mari dapur nyoooo"

Lepas besar sikik tu, naik form3 jadi buat onar banyok sikik,

aku raso dalam banyok2 tahun sepanje kehidupe, form3 lah 

paling aku buahh sekali tapi atleast tudung tu alhamdulillah

dohla, tapi stat maso tu beraso comelnyooo kelih sepupu2 

pakai jeans dan baju tshirt hok tidok besar gedabak serupo 

hok ma ambe beli sokmo2, sokmo beli hok besar 'bah', nok 

etek hok singkat sikit haha berat66

Pah gi la beli senyak2 baju hok singkat sikik, xdokla seksi

mano cumanya tidok besar gedabok supo sekalo haha beli

sebutir jah pung warna meros tapigak keno jerkoh jugok. 

time jerkoh ma ambe memey kecek bekeng banyok sikik.

"Kalu aku tengok lagi pakai baju tu, aku gi ambik bakar 

senyap2 laa"

Gulp~ telan air liyur.

"Tak payah duk beli seluar jeans..pakai seluar slack jah"

"Seluar jeans hok straight cut la ma, bukan hok ketat"

"Aku kato tidok buleh, tidok buleh la"

Gulp~ takuk wey nok terkecing sero.

Disebabkan kena pakai seluar slack dengan baju tshirt hok besar

gedabok tu, makanya aku pung beraso bolok lah pung doooh, 

makanyo ambe beraso pakai baju kurung lagi comel daripado

pakai supo sakni haha makonya napok mok aku supo gumbira lah.

Tapigak ujiang nyo pulok maso tu, beraso cool bila 2 bucu tudung 

hok berado di depan tu ambe sebar ke belakang, makanya tidok

menutup dada lah, stuking pung tak pakai. sampailah terbaco artikel

pasal balasan hok dikenakan kepada perempuan2 hok tidok menutup

dada dengan kelubung iaitu "akan digantung 'tersebut' dengan cangkuk

panas". Lupa dah hadis penuh dia gane.

"Hendaklah mereka(perempuan) melabuhkan kain tudung hingga menutupi

dada-dada mereka" (An-nur, ayat31)

Makanya, ambe pung serik la. Pah kes stuking tu memey payoh la wey

haha sokmo maley2 before nok tido mesti duk miker..

"Uduhla pakai stuking, Ya Tuhe, aku buleh tutup hok lain tapi bulehko

kalu Tuhe mengampunkan kaki aku..so jah so jah..kaki jahh..so tu jah"

Berkata dale hati serupa duk pujuk2 gitu haha beraso lucu kalu ingat balik.

pah marinyo miker..

"Kalu tak tutup kaki, walaupun sebutir jah, serupo tak tutup aurat jugok

la sebab tak sempurna menutup"

Juz like macam pakai tudung tapi pakai baju lengan pendek, makanya sama

level jah sebenarnya dengan orang free hair pakai skirt pendek sebab dua2

tak menutup dengan sempurna. tu cara aku fiker lah sebab mazhab syafi'e,

menutup kaki itu wajib.

Jarey2 share pengalame hidup dari kecik sapa tua apa salohnyo dih,

mari tudung hok mano patut,

semuga kita istiqamah selamanya sampai keno pakai kain kapan,

redha Allah yang utama tu yang penting :)

PS:TQ mum for everything!!

tanpamu ibu ambe tak tahu la akey jaddi gapo ko diri ambe loni.