Mekna

Wednesday, March 6, 2013

Duo orang pokcik


















Di halaman dekat2 rumah ni, ambe
baik jugokla dengan 2 orang pokcik
arab ni. 2 orang ni dulunya tersangatla
baik, sokmo duk kecek2 sekali di waktu
petang hari. tapi sejak duo menjok ni
pok2 dio tidok berkerencek sekali doh,
ambe pung pelik jugokla, sekalo kalu
on da way kelik kuliah tu, bila napok
pok dio duk borak2 tepi kedai runcit,
aku akan sengeh. deras2 ambe berjalan 
kangki sebabnyo sorang di antara pokcik2
tersebut amat mesra dan suka ajok bbual.

"Amalina amalina amalina...", katonyo dari jauh.

Aku pung buat2 lorat kah3 Mereka diberi nama
pokcik doloh dan pokcik mamat, bukan nama
sebenar. pokcik doloh tulah hok mesra yang
amat, letih kaklos dengar dio bbual..erk.
makanyo sakni berkecek ngan pokcik doloh
pasal mesin air dumah ambe, dio duk explain
macam2..aku dengor jahla bley2 angguk2
geleng2. tibo2 jjadi beraso nok tanyo pasal
dio dengan pokcik mamat tu. ambe translate 
kut kelantawi selaluh la seney.

"Buleh ko ambo nok tanyo pokcik sesuatu?"

"Gapo amalina?" (bley2 buat muko pelik)

"Bakpo ambo lamo doh xnapok pokcik doloh gi bbual
dengan pokcik mamat" (nebeng sungguh mekna)

"Oooo dio tu brehi kecek buruk pasal orang ramai.
sayo nasihat doh banyok kali tapi dio xdengar jugok.
pah ado suatu ari tu, pokcik dengar dari saem pokcik
hok lain bahawasanyo pokcik mamat tu bercerita2
buruk pasal pokcik jugok.....bla bla"

Hooh..ambe angguk jah duk dengar cerita panjang 
lebar pokcik doloh..beraso serupo seorang kaunselor
duk mendengar luahan hati pokcik doloh. sekalo duk
jjadi kaunselor kepado saem2 jah, harini hilir sikit
jadi kaunselor kepado pokcik arab haha

Tapinyo ambo ni kaunselor tidok bertauliah la, sepatutnya
ambo senyak jahla time dio meluoh rasa tidok puas hati
tu, tapigak ambe gi bersuara pulok doh..siyye dio, mace
frust ado jugok.

"Pokcik doloh..jange mudoh percayo ko saem pokcik hok
kato pokcik mamat mengato bendo buruk ko pokcik doloh,
kemungkinan dio tu adalah penipu"

"Eh dok...ramai doh ore kato dio gitu.....bla bla bla"

"Sayo tak percayo ko pokcik doloh selagi sayo tidok
dengar sendiri dengan telingo sayo pokcik mamat duk
kecek buruk pasal ore" (nebeng molek aku pun)

"Awok memey lah xkan buleh dengar dengan telingo awok
sebab awok keno rapat dulu dengan dio baru dio akan cerito2
ko awok"

"Takpolah pokcik doloh, bo lah kito kecek pasal pokcik mamat"
(aku takdok modal nok kato gapo doh)

"Gini amalina..kalaulah misalnya sayo ni baik sangat ngan awok,
tapigak alek belakang sayo duk kecek buruk pasal awok, awok
raso baik or buruk gitu?" (dio buat perumpamaan pulok)

"Buruk..tapi sayo akan maafkan pokcik" (aku sajo jah manas line)

"Hmmm.." (stress napok pokcik doloh)

haha sekian sajo al-kisoh daku menjadi kaunselor tidok
bertauliah, siyye ko pokcik doloh..sobs2 Panjang lagi dialog
tu tapi ambe ringkas2kan jah.

#maaf pokcik, ambe takkan percaya cerita hok dicerita
oleh sebeloh pihak saja.
#sebelum ambe percayo ambe keno selidik betul2 dulu,
takuk2 matlumat tu saloh, tapi ambe tiado minat nok menyelidik hihi
#berbaiklah kembali wahai pokcik2.

"Wahai orang2 yang beriman, jika datang kepada kamu seorang
fasik membawa sesuatu berita maka selidikilah (untuk menentukan)
kebenarannya, supaya kamu tidak menimpakan sesuatu kaum dengan
perkara yang tidak diingini dengan sebab kejahilan kamu (mengenainya)
sehingga menjadikan kamu menyesali apa yang telah kamu lakukan"
(49:6)

..tiada sambungan hehe

4 comments:

Idil said...

huk aloh,sambung ah.xpuah baco ni gu

InaSazlan said...

xleh taip panje2 dooh..takuk pinar mato pembaca

swanlake said...

segho stress buleh jupo kak ina deh..hilir molep =P

InaSazlan said...

ambe memey ore hilir keh3xxxx